Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Марафон дәвамлы булсын ("Әдәби Марафон"нан фоторепортаж) Бүген “Әдәби марафон” IX Дөньякүләм китап укучылар бәйгесе җиңүчеләре бүләкләнде. Чара  Идел буе физик культура һәм спорт академиясендә узды. 
      181
      0
      0
    • 31 декабрь да эшлибез мени? Кышкы каникулларның озынлыгы үзгәрергә мөмкин, дип искәртте Россия лидерының матбугат сәркатибе Дмитрий Песков. Киләсе ел каникуллары алдагы елларга караганда кыскарак. Яллар барлыгы сигез көн — 1 гыйнвардан 8 гыйнварга кадәр.
      144
      0
      1
    • Ысланган каз   Сабан туе җиткәндә бәйрәм табынына каз пешерү – элеккедән калган йола инде ул. Кемдер аны көздән үк каклап куя. Май ахырларында караңгы, җиләс урында җилләтеп ала да нәфис кисәкләргә бүлеп, кадерле кунакларын сыйлыйган
      76
      0
      0
    • «Кулыма китап алам» күргәзмәсендә ни булачак? Күргәзмәнең ачылышына татар теле һәм әдәбияты укытучыларының Г. Тукай әдәби музее һәм Казан шәһәре Мәгариф идарәсе каршында эшләп килүче “Туган тел” клубы вәкилләре, КФУ һәм ТӘһСИ галимнәре, Тукай фәнен өйрәнүчеләр чакырыла.
      53
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      846
      0
      5

    Кариев театры яңа театраль сезонга ниләр белән керә?

    Татарстан театрлары бер-бер артлы яңа театраль сезонны ача башлады. Бүген, 3 октябрьдә Кариев театры 32нче сезонын ача.

    Реклама

    Театрның матбугат хезмәте хәбәр итүенчә, тамашачыларны чын милли һәм театр бәйрәме көтә. 
    18.00 сәгатьтә фойеда декоратив-гамәли сәнгать осталары ясаган милли стильдәге эшләнмәләр һәм сувенирлар ярминкәсе, профессионаллардан балалар өчен остаханә, күргәзмәләр, интерактив программа башланып китәчәк. Оештыручылар шулай ук фотозона, "Туган авылым"нан күчтәнәч булыр, дип вәгъдә итә.
    18.30да  “Кәҗүл читек” спектакле белән яңа сезон ачыла. Ләкин бу әле Кариев театры әзерләгән сюрпризларның барысы да түгел. Мәсәлән, балалар һәм яшүсмерләр өчен «ASYL» Бөтенроссия драматурия конкурсы тәмамланды. Анда дүрт номинациядән кала, өстәмә номинацияләр дә игълан ителгән иде. Бүләк фонды 400 мең тәшкил итте. Кайсы эшләр җиңгән? Театрның репертуары бу конкурс нәтиҗәсендә ничек баер? Бу турыда  бүген үк хәбәр итәрләрме – тамашада беленер.
    Кариев театры җәй башында ук тагын бер яңа конкурс игълан иткән иде. Балалар һәм яшьләр театры үзенең символы булырдай җәнлекне өч ай буена эзләде. Конкурска 18 эш килгән. Балалар символ буларак тәкъдим иткән җан ияләреннән тулы бер зоопарк туплап булыр иде: арыслан, керпе, тиен, бүре, эт, мәче, куян һәм хәтта сандугач... Театр шуларның кайсын символ итеп сайлар – әлегә сер итеп саклана. Тик шунысы билгеле, яшь, көчле, актив, талантлы әлеге җанвар спектакль алдыннан балаларны да каршы алырга мөмкин.
    Яңа сезон яңа премьераларсыз булмый. Шуларның берсе, Екатерина Корабельник сәхнәләштергән “Йомрыбаш” яшьләр комедиясен тамашачы 10, 11, 17 октябрьдә үк карый алачак.  Театр балалар һәм үсмерләр өчен белем бирү проектлары да башлап җибәргән иде:  “Мобиль дәрес”, “Кариев +” инде Казанның күп кенә мәктәп балаларына таныш. Әлеге проектлар дәвам итәчәкме? Башкалары да булачакмы? Ихтимал, сезон ачылышында бу сорауларга да җавап ишетеп булыр.

    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз