Катнашканның гына җиңү мөмкинлеге бар

Кайбер бәйгеләр турында күп кеше ишетми дә, белми дә кала. Сәләте булган кешегә файдага булсын дип, берничә конкурсны бер язмага тупладык. Әле катнашып өлгерәсез, гаризаларны җибәрергә дә вакыт бар, мөмкинлекне кулдан ычкындырмагыз!

“Сәләткә нур булган йолдызлар”

Әлеге конкурста 11 яшьтән алып 22 яшькә кадәр теләгән һәр студент һәм мәктәп укучысы катнаша ала. Конкурста катнашу өчен гаризалар selet.biz сайтанда 1 апрельгә хәтле кабул ителә.

“Ягымлы яз” 

Бу бәйгедә 14 яшьтән алып 35 яшькә кадәр булган катнашучылар кабул ителә. 11 мартка кадәр гаризаларыгызны җибәреп өлгерәсез әле.

«Туган тел ул – …» 

Ә Татар китабы йорты уздыра торган «Туган тел ул – …» дигән темага социаль челтәрләрдә флешмобта исә, гомумән, яшь чикләве юк, теләгән һәркем катнаша ала. Моның өчен «Туган тел ул – ...» сүзләрен дәвам итеп, үз фикереңне белдереп, йә туган телгә багышланган шигырь укып видео төшерергә, аккаунтыгызга урнаштырга кирәк. Татар китабы йортының аккаунтын билгеләргә һәм @tatar_kitabi_yorti сылтамасы белән элергә онытмагыз. Нәтиҗәләр 21 февральдә ясалачак.

Башка конкурслар турында да мәгълүмат булачак, карап барыгыз!