Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      733
      0
      5

    «Казан адмиралтействосы: Русия флотын данлап» күргәзмәсе

    Өч гасырлык тарихы булган Казан адмиралтействосының традицияләре гаять кызыклы:  Татарстанда караб төзү тарихы һәм мәшһүр Бишбалта бистәсе, шулай ук төзелештә катнашкан милләттәшләр язмышы да шуңа барып тоташа. 
    Император Петр I  фәрманы белән 1718 елда оештырылган Казан адмиралтействосы карабларны төзү, төзекләндерү һәм саклау өчен, шулай ук Казан, Түбән Новгород һәм Воронеж губернияләрендә караб ясау урманын әзерләү өчен тәгаенләнгән булган. Аның алдында Кара, Каспий, Балтыйк һәм Төньяк диңгезләр өчен караблар җитештерү бурычы торган. Казанның Бишбалта бистәсендә төрле типтагы 400 караб төзелгән. Алар арасында  фрегат һәм бриг, гардкоут һәм бомбардир караблары, галиотлар, люгерлар һәм  гекботлар булган.
    Күргәзмәнең нигезен ТР Милли музее һәм ведомство музейлары коллекцияләре, Русия хәрби диңгез флоты дәүләт архивы фонды документлары, Русия Борынгы актлар дәүләт архивы, ТР Милли архивы, КФУның Н.И. Лобачевский исемендәге китапханәсе фондыннан документлар  тәшкил итә. Төзелештә катнашкан татарлар язмышы яктыртыламы – бу турыда хәбәр юк. Милли музей хәбәр итүенчә,  иң кызыклы экспонатлар арасында урман әзерләү, караб урманнарын саклау турындагы документлар, оптика җиһазлары, артиллерия пушкалары, истәлекле медальләр, XVIII-XXI караб модельләре аеруча кызыклы.
    Күргәзмә Русия Хәрби-диңгез флоты көне алдыннан, 26 июльдә ачыла.

     

    Реклама
    Нравится
    Поделиться:
    Комментарии (0)
    Осталось символов:
    Реклама