Логотип Идель
Яңалыклар

Казан халыкара мөселман киносы фестивале конкурсында катнашачак фильмнар исемлеге билгеле

Казан халыкара мөселман киносы фестивале конкурсында катнашачак фильмнар арасында Татарстаннан дүрт фильм бар.

Казан халыкара мөселман киносы фестивале конкурсында катнашачак фильмнар арасында Татарстаннан дүрт фильм бар.

XVIII Казан халыкара мөселман киносы фестивале үзенең конкурс программасын игълан итте. Регламент буенча конкурсның һәр номинациясе унар фильмнан тора. Болар – тулы метражлы нәфис фильм, кыска метражлы нәфис фильм, тулы метражлы документаль фильм, кыска метражлы документаль фильм һәм Милли конкурс.

Тулы метражлы нәфис фильм номинациясендә Татарстан-Казахстан копродукциясе булган «Тарлан» фильмы бар. Ул Галимҗан Ибраһимовның «Алмачуар» әсәре буенча төшерелгән. Режиссеры – Юлия Захарова.

Кыска метражлы нәфис фильм номинациясендә Рифат Миндубаевның «Галиябану» фильмы бар.

Тулы метражлы документаль фильм номинациясенә Марсель Мәхмүтовның «Габдрахман», кыска метражлы документаль фильм номинациясенә Булат Минкинның «Сосновый ключ» фильмнары кергән.

Оештыру комитеты быел 44 илдән 625 гариза керүе турында хәбәр итә. Программада Казахстан, Азәрбәйҗан, Һиндстан, Таҗикстан, Израиль, Төркия, Бангладеш, Мисыр һәм башка илләрнең фильмнары бар.

Казан халыкара мөселман киносы фестивале 7 – 11 сентябрь көннәрендә Казанда узачак.

Чыганак: Татар-информ

Текст после содержания указынный в настройках

«Идел» журналы 16+

Следите за самым важным и интересным в Telegram-каналеТатмедиа

Нет комментариев

2
X