Казан Кремле диварында уникаль утлы тамаша (ВИДЕО)

Казан Кремле диварында уникаль утлы шоуны оештырыла. Эффектлы иллюминация Идел буе Болгар дәүләтендә ислам дине кабул ителүгә 1100 ел тулуга багышланган.

Казанда утлы шоуны 20-21 майда кичке сәгать 8дән төнге сәгать 1гә кадәр күрергә мөмкин. Шулай ук бүген һәм иртәгә тамаша Болгарда Ак мәчет диварында булачак.

21 майда Болгарда «Изге Болгар җыены» дип аталган үзенчәлекле бәйрәм узачак, мәдәни-агарту программасы оештырылачак. Анда концерт, Җәмигъ мәчете каршындагы мәйданда өйлә намазы, халык сәнгать һөнәрләре осталарының эшләнмәләре күргәзмәсе-сәүдә, билбау көрәше буенча турнир, мастер-класслар һ. б. тәкъдим ителәчәк. 

Тамаша нигезендә - татар халкына хас традицион исламның символлары һәм төп принциплары. Тамаша үз эченә ислам дөньяны алып бара торган яктылык идеясен гәүдәләндерергә тиеш. Тамашачылар Ибн-Фадланның тарихи әсәрләрен, традицион татар шамаилләрен, ярымайны һәм изге китапка сылтамаларны карый ала.