Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Стресслы хәлләргә ни рәвешле ресурслар тупларга

    Казан Кремлендә совет рәссамнары һәм скульпторлары эшләре күргәзмәсе ачыла

    29 нчы сентябрьдә «Казан Кремле» музей-тыюлыгының «Манеж» күргәзмәләр залында «Җепшеклектән үзгәртеп коруга кадәр. 1960-1980 нче елларда СССР сәнгате» күргәзмәсе ачыла. Килүчеләр графика, рәсем һәм скульптура кебек сәнгать төрләрен берләштергән 50 дән артык әсәрне күрә алачак.

    1960-1980 елларда СССРның сынлы сәнгате көчле чәчәк ата. Бу чор «рәсми» һәм «рәсми булмаган» иҗат каршылыгы белән билгеләнә. Күргәзмәдә нонконформистлар Олег Целков, Борис Турецкий, Ната Конышева, Владимир Яковлев һәм Вячеслав Калинин эшләре тәкъдим ителәчәк. 

    Экспозициягә шулай ук рәссамнар Ольга Булгакова, Александр Ситников, Дмитрий Жилинский, Татьяна Назаренко һәм Наталья Нестерованың әсәрләре дә кертелгән. 

    Реклама

    Күргәзмәгә килүчеләр төбәк рәсем сәнгате мәктәпләренең якты вәкилләре белән дә таныша алачак, алар арасында Адия Ситдыйкова (Уфа), Шалва Бедоев (Владикавказ), Александр Пантелеев (Вологда), Владимир Юкин (Владимир). Элеккеге союз республикаларын Игорь Виеру (Молдавия), Херберт Силиньш (Балтыйк буе), Иззат Клычев (Төрекмәнстан) һәм Таир Сәлахов (Азербайҗан) тәкъдим итәчәк, дип хәбәр итә музей-тыюлыкның матбугат хезмәте. 

    Күргәзмә СССР төзелүнең 100 еллыгына багышланган, аны 2023 елның 26 нчы февраленә кадәр карап була. Экспозиция Казан Кремле һәм «РОСИЗО» дәүләт музей-күргәзмә үзәге ярдәмендә оештырылган.

    Чыганак: kzn.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Арктикага чакыру
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!