Черек күлдә - төлке

Авылларда төлкеләрнең күренгәләве гадәти хәлгә әйләнде инде. Ләкин шәһәр уртасында әлеге кыргый хайваннар алай күренми иделәр әле.

Кичә төнлә Черек күл паркында казанлылар төлке очрата. Аны хәтта видеога төшерергә дә өлгерәләр. Видео Вконтакте төркеменә урнаштырыла. Автор: “Казан уртасында көтелмәгән очрашу. Черек күл паркына һава суларга чыккан идек, ә монда төлке йөгереп йөри”, - дип яза. Җанвар бик югалып калгандай тоела, чыгу юлын эзләп коймага бәргәләнә.

Әлеге язма астындагы шәрехләр буенча урманда яшәүче хайваннарның Казан уртасында беренче генә очрамавын белеп була. Ләкин гадәттә көтелмәгән кунак – кыргый куян булган, төлкене исә беренче генә күрүләре икән.