Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      733
      0
      5

    Казан тирәсендә гөмбәне кайдан җыярга?

    Бер дустым гөмбә ашарга яратмый. Ә менә җыярга ярата. Аның өчен гөмбә җыю спорт кебек. Дустым ялгыз түгел, андый кешеләр Казанда гына да шактый икән. Мәсәлән, ВК социаль челтәрендә, Казан гөмбәчеләре  төркемендә биш меңнән артык кеше утыра.

    Группада утырган халык тизрәк яңгырлы көннәр җитүен көтә. Гөмбә җыючылар интернетта табышлары белән уртаклаша, Казанның «иң гөмбәле » урыннарын атый, киңәшләр сораша, гөмбә җыйганда югалган һәм табылган әйберләр турында яза.

    CbHlJCBIAhQ

     

    Гөмбәчеләр әйтүенә караганда, гөмбәле урыннарның иң чистасы Яльчик һәм Глухое күлләре буенда. Бу урманчыкларда каен гөмбәсе (подберезовик), әтәч гөмбәсе (лисички), майлы гөмбә (маслята), төп гөмбәсе (опята), ак гөмбә (белые грибы) бар, диләр.

    Шулай ук Питрәчтә һәм Лаеш урманнарында «гөмбә ауларга» чыкканнар уңышсыз кайтмас. Нагорный һәм Салмач якларында гөмбәне бик тиз җыеп бетерәләр. Яңгырдан соң, урманда халык «Кытайдагы кебек»,  — дип язалар «Грибники Казани» паблигында. Алай да, тәҗрибәлерәк гөмбә җыючылар Казанда үскән гөмбәне җыярга бик кушмый.

    PB-9f6GZVuo

    Реклама

    Җыйган гөмбәне киптереп, тозлап, катырып саклыйлар. Аш пешереп, кыздырып, соус ясап ашаучылар да бар.

    «Ак гөрәҗдә тәмле, безнең якларда кара гөрәҗдә дә үсә. Ак гөмбә бер генә булса да табыш. Бер елны бер кәрҗин җыйдык. Бигрәк хуш исле ул. Бәрәңге белән май белән кыздырабыз, ашка салсаң да тәмле», — дип уртаклашты «Идел» журналының баш мөхәррир урынбасары Гөлүсә Закирова, гөмбә турында сүз чыккач. Ул гөмбә җыярга үзләренең авылына (Апас районы)  яки Мари якларына йөри булып чыкты.

    CLJZCMS8z18

    Роспотребнадзор кисәтә, соңгы елларда гөмбә ашап агуланучыларның күбесе, гөмбәләрен үзләре җыйган булган.  Шуңа күрә гөмбә җыйганда игътибарлы һәм сак булыгыз. Таныш булмаган гөмбәне кисмәгез. Әгәр дә гөмбәнең төре шик тудыра икән, аны интернеттагы «фотоэнциклопедия» белән чагыштырып карарга була. Гөмбә җыярга тәҗрибәлерәк кеше белән барсагыз, тагын да яхшырак. Ә андый танышларыгыз булмаса, аны ВКдагы төркемнән да табарга була. Шулай ук яз-көз урманда күбәйгән талпаннар турында да алдан ук уйлап куярга кирәк. Урманга чыкканда, ябык кием киеп, спрейлар сөртеп чыгыгыз. Үзегезне саклагыз!

     

    twoNhhqrl1A

    Светлана Пионтковская фотолары

    Нравится
    Поделиться:
    Комментарии (0)
    Осталось символов:
    Реклама