Казанда Ай үлгән...

Казан зоопаркында Луна исемле юлбарыс баласы үлгән. Бу хәл ноябрь аенда ук булса да, мәгълүматны интернетка чыгармаганнар. Моңсу яңалыкны Татарстанның Югары суды бүген Яр Чаллыда тотылган җинаятьчеләргә мәхкәмә вакытында хәбәр итте, моның турында tnv.ru яза. Юлбарыс баласын 2019 елның 6 февралендә узган тентү вакытында тапканнар иде. Җинаятьчеләрне наркотиклар сату эше буенча хөкем иттеләр.  

Табылганда юлбарыс баласы бик авыр хәлдә булган. Аны башта Яр Чаллы зоопаркында тотканнар, аннан Казан зоопаркына күчергәннәр. Казан зоопаркы ветеринарлары Лунага глаукома һәм катаракта дигән диагнозлар куйган. Җитмәсә, юлбарыс баласы тиешеннән бик күпкә ябыграк һәм җиңелрәк булган. Мәскәүдән чакыртылган ветеринарлар аңа операция ясаган. Ләкин хайванның гомерен саклап кала алмаганнар. 

Фото: kazanfirst.ru