Казанда ике зур сәүдә үзәген ни өчен эвакуацияләгәннәр?

"Подслушано Казань" вконтакте төркемендә кичә Казандагы "Кольцо һәм" "Проспект" сәүдә үзәкләре ябылу һәм аның янында ашыгыч хезмәт машиналары (полиция хезмәте, янгын сүндерүчеләр һәм кинологлар) җыелу турында әйтелгән иде. Бу хәл иртәнге якта булган.

Сәүдә үзәгендә эш туктатылу, кибеттә шартлаткыч җайланма куелуы турында хәбәр килү сәбәпле булган. Россия Эчке эшләр министрлыгының Казан шәһәре буенча идарәсе матбугат хезмәтеннән «Татар-информ» агентлыгына хәбәр итүләренчә, әлеге сәүдә үзәкләренең электрон адресына шартлау куркынычы турында кисәтү хат килгән булган. Сәүдә үзәкләреннән кешеләрне эвакуацияләгәннәр. Бомба турындагы хәбәрлә ялган булып чыккан.

фото: Подслушано Казань