Казанда килеп чыккан янгыннан ике хатын-кызны коткарып кала алмаганнар

24 гыйнвар иртәсендә Казанның Мәскәү районында Ленская урамы, 2 адресында урнашкан фатирда янгын чыкты.

Коткаручылар фатирдан ике хатын-кызны чыгарганнар, әмма аларны коткарып кала алмаганнар. Бу хакта Россия гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.

«Химиклар» мәдәният йорты янында күп катлы йортта янгын чыгу турында хәбәр 7:51 сәгатьтә килгән. 8:10 сәгатьтә икенче катта әйберләр янган. Ут тулысынча сүндерелгән. Ләкин янгынның ни сәбәпле килеп чыгуы әлегә билгесез. Фатирдан чыгарылган ике хатын-кыз 8:32 сәгатьтә реанимацион гамәлләр үткәргәннән соң вафат булганнар.

Чыганак: inkazan.ru