Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Казанда - көрәш буенча дөнья чемпионаты, Уфада - зур турнир

    ТАССР оешуга 100 ел тулу уңаеннан Казанда билбаулы һәм татарча көрәш буенча дөнья чемпионатлары уздыру планлаштырыла. Ә Башкортстанга 100 ел инде быел ук тулачак, татар көрәшчеләре анда аерым команда белән чыгыш ясаячак.

    Бу хакта Татарстан көрәш федерациясе Президиумы утырышында республика спорт министрының беренче урынбасары, Татарстанның атказанган спорт остасы Хәлил Шәйхетдинов хәбәр итте. Аның сүзләренә караганда, юбилей чаралары кысаларында комплекслы программа булдырылган һәм анда татарча көрәшкә дә аерым урын бара. Әйтик, көрәш спартакиада программасына кертелгән. Көрәш белән билбаулы көрәш буенча Казанда дөнья чемпионатлары узар дип планлаштырыла.

    Реклама

    Быел Башкортстан АССР оешуга да 100 ел тула. Әлеге вакыйга уңаеннан Уфада апрель аенда көрәш буенча зур турнир оештырылачак. Бу турыда Татарстанның көрәш федерациясе башкарма директоры Равил Хәйруллин хәбәр итте. Уфага безнең республика көрәш командасы да барырга җыена. Моның өчен көрәшчеләр арасыннан һәр үлчәүдә беренче-икенче номерлар сайлап алыначак, алар җыеннар узачак һәм үзара көч сынашып караганнан соң Уфага барачак состав ачыкланачак.

    ФОТО: Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер