Казанда метробуслар йөри башлаячак

Метробус маршруты буенча автобуслар "Казан-1" тимер юл вокзалыннан Дәрвишләр бистәсенә кадәр, Гаврилов урамы, "Салават Күпере" торак комплексы һәм Урман шәһәрчегенә кадәр тест уздылар.

Казан транспорт комитеты Татарстан башкаласында метробусларны эшләтеп җибәрү концепциясен эшләүчеләр делегациясе белән киңәшмә үткәрде. Анда комитет башлыгы Айдар Габделхаков, Казан районнары администрацияләре, Архитектура һәм шәһәр төзелеше Идарәсе, шулай ук "ОПП" МКУ, "АСУДД" МКУ, "ПАТП-2" МУП һәм ПАТП-4 вәкилләре катнашты. Концепцияне эшләүгә килешү "Россия юллар фәнни-тикшеренү институты" Мәскәү Федераль автоном учреждениесе белән төзелгән. Фәнни-тикшеренү эше 2020 елның августында төгәлләнер дип планлаштырыла.

Метробус маршруты буенча автобуслар "Казан-1" тимер юл вокзалыннан Дәрвишләр бистәсенә кадәр, Гаврилов урамы, "Салават Күпере" торак комплексы һәм Урман шәһәрчегенә кадәр тест уздылар. МАЗ-215 автобуслары барлыгы 167 кешене сыйдыра ала. Казанда метробуслар 2023 елда барлыкка килер дип планлаштырыла.

Фоточыганак: pixabay.com