Казанда мәктәп чыгарылыш кичәсе кайчан булачак?

26 июньдә Казанның «Казан Арена» стадионы каршындагы мәйданда беренче тапкыр гомумшәһәр чыгарылыш кичәсе узачак. Казан мәктәпләренең 5766 чыгарылыш укучысы бәйрәм кунагы булачак.

Бәйрәм чарасы 17.00 сәгатьтә башлана. Мәктәп укучылары концертта күңел ача алача. 

«Мальбэк һәм Сюзанна» музыкаль төркеме, «Песни» телевизион тамашасының икенче сезоны җиңүчесе рэп башкаручы Slava Slame, «Волга-Волга» вокаль-инструменталь төркеме, шулай ук татар эстрадасы йолдызы Гөлназ Батталова чыгыш ясаячак.

Бу кичәдә мәктәпне тәмамлаучылар җыелма хор белән бергә Sforzando оркестры һәм A-class рок-төркеме аккомпанементы астында караоке режимында «Балачак кая китә» композициясен башкарачак. Кичәнең кульминациясе традицион мәктәп вальсы булачак. Аны 600 тугызынчы сыйныф укучысының җыелма хоры астында 150 бию пары башкарачак, ә аннары күккә азатлык һәм яңа тормыш этабына керү символы буларак йөз күгәрчен очырачаклар.

Кичәдә шулай ук иң яхшы укучыларны бүләкләү булачак, алар арасында бөтенроссия һәм халыкара профильле олимпиадаларда күпсанлы җиңүчеләр дә бар. «Казан инде алтынчы ел рәттән Бөтенроссия мәктәп укучылары олимпиадалары нәтиҗәләре буенча шәһәрләр рейтингында, Мәскәү һәм Санкт-Петербургтан кала, өченче урында бара», - дип билгеләп үткән Балалар һәм яшьләр эшләре комитеты рәисе А.Фәизов  дип яза КЗН порталы.

Бәйрәм 21.30 сәгатьтә матур салют белән тәмамланачак.