Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1424
      0
      6

    Казанда республикакүләм «Кино+Театр» акциясе башлана

    6 октябрьдә Казанда республикакүләм «Кино+Театр» дигән уникаль акция старт ала. Әлеге чараны «Татаркино» мәдәният учреждениесе Камал исемендәге Татар дәүләт Академия театры белән берлектә Россиядә театр елы кысаларында оештыра. Бу турыда театрның матбугат хезмәте хәбәр итте.

    Берничә ай дәвамында һәр якшәмбе көнне 14:00 сәгатьтә «Мир» кинотеатрында Камал театрының репертуардан төшкән иң яхшы спектакльләре күрсәтеләчәк. Тамашачылар Камал театры артистлары белән дә очрашып аралашачак.  Татарстанның горурлыгына әверелгән спектакльләр «Кино+Театр» проекты ярдәмендә беренче тапкыр зур экранда күрсәтеләчәк.

    «Әлегә без 8 спектакльне сайлап алдык, алар татар телендә рус теленә субтитрлар белән», - диде «Татаркино» директоры Миләүшә Айтуганова.

    «Мондый проектлар тамашачы өчен бик кирәк, чөнки аларның һәрвакыт архив спектакльләрен карау мөмкинлеге юк. Ә репертуардан төшкән спектакльләр белән, чыннан да, бик нык кызыксыналар. «Кино+Театр» проекты тамашачыларга яңадан аларны күрү бәхетен тудырачак», - диде Камал исемендәге ТДАТ директоры Илфир Якупов.

    Реклама

    «Кино+Театр» проекты Казанда гына түгел, гомумән, республикакүләм оештырылыр дип планлаштырыла. Якын арада кайсы район-шәһәрләрдә күрсәтеләчәге билгеле булачак. Билет бәясе барлык сеансларга да 150 сум.

    Проект Казанда 6 октябрьдә Туфан Миңнуллин әсәре буенча Марсель Сәлимҗанов сәхнәләштергән «Әлдермештән Әлмәндәр» спектакле белән ачыла, 1976 ел. 

    tatar-inform

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • "Идел" журналына язылу!
    • «онлайн кинотеатр»
    • Журналга онлайн язылу