Казанда татарча сөйләшүче ике попугай 100 мең сумга сатыла

Казанда татар телендә сөйләшүче попугайр саталар. Бәясе 100 мең сум. Сату турындагы игълан популяр кулдан сатып алу сайтында урнаштырылган булган. Сатучы сүзенә караганда, попугайлар татар теленең ике диалектында сөйләшә белә икән. 
Яшел каурыйлы тутый, мишәр диалектында, ә зәңгәр каурыйлысы татар теленең Казан диалектында сөйләшә ала. Хәер, попугайларның үзара нинди диалектта сөйләшүе хәбәр ителми. 
Сатучының сүзләренә караганда, попугайлар бер-берсе белән гел бәхәсләшеп, тиргәшеп тора, ләкин аерым инде яши алмаячак.
Татарча сөйләшә торган тутылар татар мәдәниятына да битараф түгел икән.
Аларга чәк-чәк, өчпочмак һәм чәй исе бик ошый. Алар татар мәдәниятен бик хөрмәт итә.
Сатып алучыга бонус итеп, яшел каурыйлы попугай Татарстан гимнының беренче куплетын, ә бу зәңгәр каурыйлысы гимнның кушымтасын җырлап бирәчәк. 

Милләтпәрвәр попугайлар берсе берсе 50 мең сум тора. Шулай ук игъланда язылган буенча сатучы, сезнең өегезгә килеп, тутый кошыгызны татарча сөйләшергә өйрәтә ала. Бер дәреснең бәясе 5000 сум.