Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      2859
      0
      6

    Казанда Тукай урамы бәйрәме узачак

    Бүген шәһәр мэриясендә узган эшлекле дүшәмбе киңәшмәсендә «Иске шәһәр» территориясе префекты Марат Усманов өр-яңа бәйрәм – Габдулла Тукай урамы көнен үткәрергә планлаштыру турында сөйләде. Яңа бәйрәм 18 майда Иске Татар бистәсендә булачак, диде Усманов әфәнде.

    Габдулла Тукай музее реконструциясеннән соң музей ишегалдында яңа мәйданчык ачылды – бәйрәм шунда башланып китәчәк. Монда Г.Камал исемендәге татар дәүләт академия театры артистлары укуында әдәби спектакль һәм «Илһамият» клубы, «Фантазия» хатын-кызлар джаз-оркестры  катнашында концерт узачак. 

    Реклама

    Музей эчендә экскурсияләр, тематик мастер-класслар үткәрелә. 10.00 сәгатьтә Юнысов мәйданында “Тукай юлы” дип аталган велосипедлы экскурсия башланачак. Велотурга алдан теркәлү таләп ителә. 12.00 сәгатьтә профессиональ гидлар «Екатерининскаядан башлап.Тукай урамына кадәр» дигән җәяүле экскурсия уздыра. Тукай урамы бәйрәме бөтен ил күләмендәге “Музейда көн һәм төн” акиясе кысаларында үткәрелә. Бу хактагы мәгълүмат белән «Иске шәһәр» территориясе префектурасының рәсми сайты уртаклаша.

    Казан шәһәре мэры  Илсур Метшин әлеге идеяне югары бәяләгән һәм Тукай урамы бәйрәме белән генә чикләнмичә, башкаларын да уздырырга кирәк, дип белдергән.

    Татар башкаласында туристлар белән кызыксыну көннән-көн арта. Атна саен диярлек мәркәз кунаклары өчен берәр бәйрәм булмыйча калмый. Май аеның башы белән Иске Татар бистәсендә җәйге туристлар сезоны ачылган иде. Хәтерләсәгез, беренче майда Казан халкы һәм кунаклары өчен «Туристларның иртәнге ашы» бәйрәме гөрләде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Внесудебное банкротство гражданина"
    • Кышкы язылу өчен бүләк от!
    • ӘДӘБИ СУД. ИДЕЛ.
    • "Единый налоговый платеж"
    • «ИДЕЛ»НЕҢ ИҢ МАТУР ТЫШЛЫГЫ!
    • ИДЕЛ. ЯШЬЛӘР ШУРАСЫ
    • КАЛЕБ. ЯҢА ДУЛКЫН
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!