Казанда яңа парк төзеләчәк: Кайда? Кайчан?!

Адмиралтия бистәсендә Киров дамбасыннан ерак түгел урнашкан Балыкчы бакчасын (сквер) тәртипкә китерәчәкләр.

Паркка иске балыкчы һәм тарихи орнаментлар кайтарылачак. План болайрак: китап укырга яратучылар өчен - ачык китапханә булса, җәен кино карарга теләүчеләргә - сәхнә төзеләчәк.

Ә кышын исә анда чыршы куелачак. Яшьләр Wi-Fi белән "очрашырга" махсус бер зонага килә алачак. Әйе, без паркка аралашу һәм ял итү өчен чыгабыз. Шуңа күрә әлеге зонада яшьләр интернеттан ял итәрләрме икән?

Спорт сөючеләр өчен урам тренажерлары да әлеге паркта урын алачак. Шулай ук куркынычсыз балалар мәйданчыгы да булдырылачак. Күзалдына китергәндә парк матур һәм кешеләргә бай булыр кебек тоела. Шулай да, эскизларына күз салыйк әле:

Якын киләчәктә бу паркны төзекләндерерләр дип ышанабыз.

фотолар: tgarch_kazan/instagram.com