Җимерек машиналар барын да хәтерли

Казан халкын ипподром янындагы җимерек автомобильләр зираты куркыткан.

Күптән түгел инстаграмда һәм Вконтакте социаль челтәрендә Казандагы "автозират" видеосы барлыкка килде. Видеодан күренгәнчә, ватык машиналардан кала ипподром янындагы мәйданчыкта балалар коляскасы, йомшак уенчыклар һәм башка юл һәлакәте корбаннарын хәтерләткән әйберләр дә бар.

Соңыннан моның нәрсә икәне ачыкланды. Бу ЮХИДИның Халыкара юл һәлакәте корбаннарын хәтергә төшерү көненә багышланган акциясе булып чыкты. БМО әлеге көнне 2005 елдан бирле, ноябрьнең һәр өченче якшәмбесендә билгеләп үтә. 

Шул рәвешле инспекция юл йөрү кагыйдәләренә игътибарлырак булырга чакырган.