Казанга Дубайдан 99 россияле кайтты

Роспотребнадзор хезмәткәрләре пассажирларны тикшергән. Рейста барлыгы 160 кеше булган, шуларның 61е Екатеринбургка оча.

Хәзерге көндә пассажирларга мәҗбүри рәвештә ике атналык үзизоляцияне үтәргә кирәк. Дүшәмбе көнне россиялеләр Ереван һәм Анталиядән дә кайтырга тиешләр, аларның күбесе Мәскәүдә калачак, шулай ук арада Казанга кайтучылар да бар. 15 июльдән самолетларның Казаннан чит илләргә очуын хәбәр иткән идек.