Казанның төп мәчетен мыскыллаган журналистны гафу үтенергә мәҗбүр иткәннәр

Күптән түгел "БИМ" Радиосы дикторы үзенең фейсбук битендә бик каршылыклы фикерләр тудырган пост язган иде. Язмасында ул Кол Шәриф мәчетен "нәҗес" дип атый һәм кирмән җирлегендә әлеге мәчет булмаган вакытны искә төшерә.

Әлеге язма социаль челтәрләрдә бик күп бәхәс чыгарды. Антон Боровиков тиз арада әлеге язманы алып куйды. Берничә көннән аның инстаграм акаунтында һәм Вконтактеда аның гафу үтенгән видеосы чыкты. 

Популяр алып баручы сүзләрен кире алмый. Бу илдә ул һәркеше үз фикерен белдерергә хаклы дип әйтә. Боровиков сүзләре белән берәрсен рәнҗеткән булса, аны гафу үтенүләрен сорый. Республикада яшәүче барлык конфессия вәкилләренә дә тигез - хөрмәт белән карыйм, - ди ул.