Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Соры хезмәт хакы

    КҮҢЕЛ РАДИОСЫ ТАТАРСТАН РАДИОЛАРЫ РЕКОРДЫ КИТАБЫНА КЕРЕРМЕ?

    Тәнәфессез, бер ялсыз 30 сәгатьлек эфир. Иртәнге «2+ шоу» тапшыруын алып баручылар - Алинә Вәлиева белән Ришат Хаҗиев һәм радионың яшь популяр алып баручысы - Алмаз Хәертдинов Татарстан радиолары рекорды китабына керү өчен тырышачаклар.

    Алар эфирга  9 декабрь иртәсендә чыга һәм 2 тәүлек буе микрофон алдыннан китми эшләячәкләр.

    Реклама

    Шул рәвешле, «Күңел» радиосы 25 еллык юбилее алдыннан Татарстан радиолары арасында рекорд куячак. Әлеге тәҗрибә киләсе юбилей елында Гиннесның рекордлар китабына керү өчен әзерлек чарасы да булып тора.

    Радиомарафонның төп максаты – республикада «Күңел»нең дәрәҗәсен тагын да арттыру, Туган телләр һәм Халыклар бердәмлеге елында ана телебезне пропагандалаучы радионың киләчәк буынны тәрбияләүдәге әһәмиятен ассызыклау, тыңлаучыларда  татар телендә яңгыраган җырларга, милли моңнарга мәхәббәт уяту,  милли кыйммәтләребезне саклауга халык игътибарын җәлеп итү.

    Әлеге туктаусыз марафон гадәти эфирдан аерылып торачак. Программада: онлайн концертлар, җылы әңгәмәләр, бүләкләр уйнату, туры эфирда тыңлаучылар белән аралашу. Татар эстрадасының танылган йолдызлары – Илсаф (Ильсур Сафин), Ильмира Нәгыймова, Илшат Хәмәдиев, Руслан Кираметдинов, Зәринә Хәсәншина, Рәдиф Зарипов бу көннең көтеп алынган кунаклары. Гомумән, бу көнне радионың ишекләре һәркем өчен ачык булачак. Алып баручыларны, бигрәк тә төнлә, үсендереп, дәрт өстәп, кәефләрен күтәреп торырга теләгән һәркем килеп, уңышлар теләп китә ала. Шуны искәртәбез, алып баручыларга эфирда 30 сәгать буе эшләргә, шулай ук  билгеле бер кагыйдәләр һәм шартларны үтәргә туры киләчәк.

    Сезне дә 9-10нчы декабрь көннәрен безнең белән үткәрергә чакырабыз! Кушылыгыз! Әлеге 30 сәгатьлек эфир тарихка кереп калачак! «Күңел» тарихын бергәләп языйк!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы