Кемдер хыяллана, ә кемдер...урлый?

Җирдә телефон яки акча ятканын күргәч, сез дә шикләнеп, куркып карыйсыздыр? Ә бит юлда акча табарга хыялланган көннәребез дә аз түгел. Ләкин тормышта аек акыл белән телефон урлаучылар да юк түгел...

Чаллыда ике ир-атның телефон урлауда гаепләнүләре билгеле булды. Зыян күрүчеләр җирле полиция бүлегенә гариза белән мөрәҗәгать иткәннәр. Ә урлаган кешеләр гаепләрен тиз генә танымаган әле. РФ Законы нигезендә, аларның гамәлләре җинаятьчелеккә карый. Табылган телефонны алар полиция бүлегенә илтергә тиеш була. Моңа кадәр кулга алынганнары булмаган ике ир-атны да 5 елга кадәр иректән мәүрүм итәргә мөмкиннәр.