Кер юу машинасын уйлап тапкан җәннәткә эләксәен дигәннән...

"Матбугат.ру" инстаграмында бер кызыклы пост элгәннәр әле. Шуны бүген җибәрделәр дә, дәү әниемнең бик озак вакыт кер юу машинасы алырга теләмәгән чаклары искә төште. Хәер ул инде күптән керләрен кулдан юмый, машинада гына юдыра. 

Кем уйлап чыгарган дигәннән, бер легендасы бар аның, имеш, татарлар арасыннан берәү булган ди. Озак юлдан өйгә кайтканда бер юлчы пычыранган керләрен чиләккә тутырып соңынан юар өчен сабынын да шунда салган икән дә, арба кырыена элеп куйган. Кайтканда яңгыр башланган, чиләккә су тулган. Ташлы юлдан кайтып җиткәнче тегенең керләре шылдыр-былдыр килеп чип-чиста булып юылганнар ди. 

Шулай да беренче булып кер юу машинасына патент алган кеше 1851 елда Джеймс Кинг исемле бер америкалы булган. 1874 елда машина массакүләм җитештерелә башлаган. 

Бүгенге көндә Россиянең бик әз өйендә  юк ул машина. Ә менә табак савыт юуу машиналары барлыкка килә башлады гына әле. Матбугатка, кер юу машинасын уйлап табучыга рәхмәт укып язган төсле, бер ун елдан табак-савыт юуу машинасын уйлап табучыга да рәхмәт укырлар әле, әйтте диярсез!!

Ә сез, артык акчагыз булса табак-савыт юу машинасы алыр идегезме?

Җавапларны комментарий итеп язып калдырыгыз!