КФУ - "Бөтенроссия студентлар марафоны" җиңүчесе

Сочида Беренче урын өчен 20 кешедән торган КФУ делегациясе көрәшкән. Яшьләр фестивалендә катнашучылар интеллектуаль уеннарда, "Экобана" декоратив-гамәли сәнгать конкурсында, "Дөнья тавышы" вокал конкурсында, парк волейболы, мини-футбол, боулинг буенча турнирларда көч сынашкан, шулай ук башка конкурс сынаулары да уздырылган. Бу хакта tatar-inform.ru хәбәр итә.

"Быел фестивальдә Русиянең 30 алдынгы ВУЗыннан 500 дән артык студент катнашты", — дип билгеләп үтелә хәбәрдә.

Яшьләр фестивале 1-5 февральдә Сочида узды. "Бөтенроссия студентлар марафоны" - ул студентлар өчен зур мәйданчык, ул иҗади, спорт һәм интеллектуаль программаларда ярышларны, шулай ук төрле өлкәләрдә танылган профессионаллардан төрле мастер-класслар үткәрүне берләштерә.