Хәмдүнә Тимергалиевага Илһам Шакировның тәкъдимен ни өчен кире каккан

ТНВда барган «Әй, язмыш, язмыш» дип аталган тапшыруга  Татарстанның халык артисты Хәмдүнә Тимергалиева килеп киткән.Тапшыруда алып баручы Замирә Рәҗәповага җырчы бик күп серләрен ачкан. Шуларның берсе – Илһам Шакиров белән булган мөнәсәбәтләре. “Илһам абый мине бик яратты”, - диде Хәмдүнә апа Тимергалиева. “Моны яшерүдән мәгънә юк, чөнки моны белүчеләр бар: Илһам Шакиров миңа тәкъдим ясаган иде”. Әмма Хәмдүнә апа тәкъдимне кире каккан. “Мин бит яшь, ә син инде карт, Илһам абый”, - дигән. Мондый җавапка тагын бер сәбәп – Хәмдүнә Тимергалиеваның бу вакытта инде сөйгәне була. Тик, кызганыч, ул кеше белән дә ул бәхетле була алмаган. “Илһам абый белән пар булсак, нинди матур гаилә булган булыр идек”, - ди Хәмдүнә апа үкенеп.  

Чыганак: matbugat.ru