Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1891
      0
      6

    Киноларны мөселман кинофестивалендә генә карарга димәгән

    Татарстанда апрельнең төп кино-вакыйгасы дип  XV Казан Халыкара  мөселман киносы фестивален саныйсызмы, дуслар?

    Без дә шулай дип исәплибез, ләкин халыкара фестиваль башланыр алдыннан (24-30 апрельгә кадәр) республика буенча әле тагын әллә ничә мөһим, кызыклы вакыйга һәм хәтта фестивальләр булуын искәртәбез. Йоклап калмагыз, кызыклы вакыйгаларны күреп-күзәтеп, үзәгендә кайнап алырга өлгерегез!

    Димәк, вакыйгалар исемлеге белән танышыйк:

    5 һәм 6 апрельдә Казанда ел саен уздырыла торган ««Кино без барьеров -2019» кинофестивале кайтавазы» акциясе үткәрелә. Чараны Шәһәр белем бирү үзәге инициативасы белән «Татаркино» дәүләт учреждениесе һәм  РООИ «Перспектива» (Мәскәү шәһәре) үткәрә. Татарстанлылар өченче ел рәттән Халыкара инклюзив кинофестиваленең лауреат фильмнарын карау мөмкинлегенә ия. Әлеге фильмнар – яхшылык һәм яманлык, җиңү һәм җиңелү, инвалид кешеләргә карата искергән стереотиплар турында тормышчан кыйссалар. Ике көн дәвамында сәгать 10.00 дән башлап төшкә кадәр – кече яшьтәге мәктәп укучылары, төштән соң – өлкәнрәк сыйныф укучылары һәм олылар өчен фильмнар бушлай, “Мир” кинотеатрында күрсәтелә.

    Реклама

    8 апрельдә «Смена» заман мәдәнияте үзәгендә «Кино и поэзия» темасына лекция булачак. Санкт-Петербург кунаклары – шагыйрь һәм кино тәнкыйтьчесе Константин Шавловский, рәссам Полина Заславская кинематограф шигърият бәйләнешләре турында сөйләячәк, шулай ук видеопоэзия жанрының видеоарт белән медиапоэзиядән аермасын аңлатачаклар. Лекциядә видеопоэтик тасмалар күрсәтелә, алар турында фикер алышу була. Лекция 19.30 да башлана. Керү түләүсез.

    9 һәм 10 апрельдә “Мир” кинотеатрында Бурятия Республикасы кино көннәре үткәрелә. Бөтен фильнарны да (балалар һәм өлкәннәр өчен) бушлай карарга була. Фестиваль фильмнары исемлеге белән http://mirkazan.kinoplan.ru/news/5ca46ced1469b30001e5c802  сылтамасы буенча танышырга мөмкин.

    Буа шәһәрендә исә 4 апрель-9 май көннәрендә хәрби-патриотик фильмнар күрсәтү айлыгы оештырыла. Район мәгариф идарәсе белән берлектә шәһәр Ял үзәге бер ай буе “Спасти Ленинград” һәм “Солдатик” нәфис фильмнарын күрсәтәчәк.

    Халыкара мөселман киносы фестиваленә әзерлек гөрләп барган көннәрдә без, тамашачылар да, рухи яктан әзерләнә торырга, кино вакыйгаларыннан читтә калмаска уңай форсат бу!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!
    • Милли китап һәм көйләр
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • Журналга онлайн язылу