Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Гүзәл Яхина - әдәби премия финалисты! Язучы Гүзәл Яхина Британиянең Oneworld басмасы тарафыннан инглиз телендә бастырылган "Зөләйха күзләрен ача" романы өчен EBRD халыкара әдәби премиясе финалистлары өчлегенә керде.
      16
      0
      0
    • КФУ коронавирус белән ничек "көрәшә"? Тест-система сизгеррәк генетик ПЦР-тестларны алыштырмый, ә аларны тулыландыра, ул клиникага ОРВИ симптомнары белән кергәндә пациентның маршрутлаштыру турында оператив карар кабул итәргә мөмкинлек бирә
      35
      0
      0
    • Ялган белешмә өчен штраф Хәрәкәт итү өчен ялган белешмә ясаучы җәзага тартылачак. Бу хакта Татарстан прокурорының өлкән ярдәмчесе Руслан Галиев сөйләде.
      29
      0
      0
    • Яңа саныбыз чыкты! Журналыбызның апрель саны чыкты! Карантин вакытында көннәрегезне кызыклырак итәргә тырыштык.
      47
      0
      1
    Видео
    • спорт
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1230
      0
      6

    “Кәлам Шәриф. Мәгънәви тәрҗемә” басмасы аудиоформатта дөнья күрде

    Татарстан мөфтияте “Кәлам Шәриф. Мәгънәви тәрҗемә” басмасының аудиоверсиясен әзерләп чыгарды. Халык арасында зур популярлык казанган хезмәт “Хозур” нәшрият йортының “Азан” радиосында яздырылды, дип хәбәр итә Татарстан Диния нәзарәте.


    40 сәгатьлек аудиоязманы танылган телевидение алып баручысы, журналист Илдар Кыямов укыды. Хәзерге вакытта “Азан” радиосы командасы нәзарәтнең рус телендә дөнья күргән “Калям Шариф. Перевод смыслов” басмасының аудиоверсиясен дә әзерләү белән мәшгуль. Моннан тыш, “Хозур” нәшрияты Коръәннең мәгънәви тәрҗемәләрен төрле зурлыкта, шул исәптән кесә форматында да әзерләргә ниятли.
    “Кәлам Шәриф. Мәгънәви тәрҗемә” һәм “Калям Шариф. Перевод смыслов” фундаменталь хезмәтләре ТР мөселманнары Диния нәзарәте тарихында Коръән мәгънәләренең үзе әзерләгән беренче тәрҗемәләре. Алар узган елны – Татарстанда игълан ителгән Тәфсир елы кысаларында дөнья күрде. 
    Әлеге тәрҗемә квалификацияле белгечләр – хафизлар, кыйраәт, фикъһе, гакыйдә буенча галимнәр, рус, татар һәм гарәп телләрен яхшы белгән филологларның җиде ел дәвамында башкарган коллектив эшчәнлек нәтиҗәсе булып тора. Коръән мәгънәләренең ТР мөселманнары Диния нәзарәте әзерләгән тәрҗемәсе үзенең төгәллеге белән аерылып тора һәм Кәлам Шәрифнең төп нөсхәсенең (оригиналының) лексик составына мөмкин кадәр якын итеп китерелә. Бу исә укучыны мәгънәви ялгышлардан саклый. 
    Коръәнне шундый рәвештә татар һәм рус телләренә күчерү укучыга аның сүзгә-сүз тәрҗемәсен дә, Изге Китапның тексты иңдерелгән, укылган һәм язылган тарихи-мәдәни шартларын, теленең нечкәлекләрен, төптә яткан мәгънәсен һәм метафораларын да ирештерергә мөмкинлек бирә. ТР мөселманнары Диния нәзарәтенең Коръән мәгънәләре тәрҗемәсе тексты турында уңай бәяләмәләр мөфтиләрдән, башка тәфсирләр авторларыннан, тел галимнәреннән, әдәбият, ислам белгечләреннән, Татарстан һәм Россиянең  иҗтимагый оешмаларыннан, Диния нәзарәтләреннән алынды.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Тавыш бирү
    • «За выдающихся татарстанцев»
    • Конкурс!
    • Сүз