Кондукторлар эшсез калмасмы?

Ишеткәнсездер,  23 һәм 56 нчы маршрутларда “электрон” кондукторлар эшли башлаячак. Хәзер билетка түләү өчен кесәгә керергә дә кирәкми, ә бары тик карта белән терминалга түләргә кирәк булачак.

Әлегә бу система бары тик сынала гына, киләчәктә гамәлгә керү мөмкинлеге бар. Бу хәбәр "Вконтакте" челтәренә таралгач, күпләр "Күпме кеше эшсез кала инде", - дип борчылды. "Кондукторлар өчен бу "эш" идемени? Күпме борчылып, аз хезмәт хакы алалар бит", - диючеләр дә булды. Ә кайберәүләр исә терминалның гомере озын булмаячак, тиз ватылыр дип фаразлый.  "Терминал янына күзәтеп торучы да кирәк булыр бит" - дигән кыз кондукторларның эшсез калмаячагына шулай да ышана әле.