ТАССР 100 ел
-
«Айфара» төркеме артистларын котлыйбыз!
«Ак каен», «Тулган ай», «Ә бүген синең туй»...Бу җырларны һәрберебез дә белә.
-
Эльмира Кәлимуллинага Татарстанның халык артисты исеме бирелде
«Син бу хакта хыялландыңмы, дип сорасагыз, җавап бирәм – юк, хыялланмадым да.»
-
Алия һәм Ришат Төхвәтуллиннар гаиләсендә шәп яңалык!
Алия һәм Ришат Төхвәтуллиннарның улы туган.
-
«Алтын каләм» конкурсына рәсми старт бирелде
Быел «Алтын каләм – Золотое перо» яшь журналистлар фестивалендә катнашырга барлыгы барлыгы 308 гариза килгән.
КОРЪӘН-ХАФИЗЛАРГА ШӘҺАДӘТНАМӘ ТАПШЫРУ КОМИССИЯСЕ ЭШЛИ БАШЛАДЫ
Диния Нәзарәтенең Коръәнне ятлау турында беренче Шәһадәтнамәләре кичә “Мөхәммәдия” мәдрәсәсендә тәхфиз (Коръән ятлау) бүлеген уңышлы тәмамлаган 7 укучыга тапшырылды. Шәкертләр, өч ел дәвамында Коръән ятлап, мөфтият комиссиясе каршында имтихан тотты.
Бу хакта кичә ТР мөселманнарының Диния назәрәте сайты язды.
Татарстан мөфтие Камил хәзрәт Сәмигуллин хәер-фатыйхасы һәм тәкъдиме белән, Диния Нәзарәтендә Коръән-хафизларга шәһадәтнамәләр тапшыру комиссиясе эшли башлады. Әлеге комиссияне булдыруның төп максаты – республикадагы Коръән-хафизларның санын белү, аларның әзерлек һәм белем дәрәҗәләрен тикшерү, хафизлыкка ирешүләрен документ белән раслау. Шулай итеп, нәзарәт комиссиясе елына ким дигәндә бер тапкыр җыелып, Коръәнне тулысынча ятлаучылардан имтиханнар кабул итәчәк.
Имтихан комиссиясе составында – Коръән-хафизлардан торган нәзарәтнең шәригать мәсьәләләре бүлеге хезмәткәрләре, дини уку йортларында хезмәт куючы остазлар. Комиссиянең рәисе – ТР мөселманнары Диния нәзарәтенең шәригать мәсьәләләре буенча бүлекнең баш белгече Илнур хәзрәт Хәйруллин. Шәһадәтнамәләр тапшыру барышында нәзарәттә Коръән-хафизлар буенча мәгълүмат базасы булдырылачак, ә бу исә, үз чиратында, Рамазан айларында тәравих намазларын алып бару өчен үзебезнең төбәк, ил хафизларын җәлеп итәргә мөмкинлек бирәчәк.
Шәһадәтнамә Хафс риваяте буенча Гасыйм кыйраәтендә Коръәнне укып, тәҗвид кагыйдәләре белән сөйләп ятлауны төгәлләгәнен раслый. Шәһадәтнамә гарәп һәм татар телләрендә языла һәм ул Татарстан мөфтие һәм комиссия рәисе имзалары белән беркетелә, мөфтият мөһере куела.
фото: шул ук сайттан
«Идел» журналы 16+
Следите за самым важным и интересным в Telegram-каналеТатмедиа
Нет комментариев