Коронавирус һәм татар блогерлары

Соңгы арада бик актуаль булган тема - коронавирусны дәвам итеп, татар блогерларының "ярдәмгә килүләре" турында да языйк әле. Алар инстаграм битләрендә коронавирусны ничек яктырта? Ни өчен пациентларга ярдәм йөзеннән, флешмобта катнашырга булганнар соң?

Күбегезгә таныш булган Илназ Габидуллин (kizik_mizik), Ринат Галиәхмәтов (tatar__malay), Илүзә Галиәхмәтова (iluzyshka_tamlyshka) һәм Резеда Миңнегулова (rezedking, instatarki) Татарстан әләме, бүләкләр һәм открыткалар белән йогышлы авырулар хастаханәсенә барганнар. Алар сигез россияле өчен   бал, китаплар һәм милли курчаклар алып килгәннәр.

Блогерларның сүзләренә караганда, бүләкләр безнең ватандашларыбызга республиканы һәм татар мәдәниятен яхшырак белергә ярдәм итәчәк.

#своихнебросаем (татарча #үзебезнекеләрнекалдырмыйбыз буламы?) акциясенә Татарстан халкы да теләп кушылган, алар арасында танылган шәхесләр дә бар икән. Әлеге флешмоб февраль башында Төмәндә Кытайдан өлкәгә эвакуацияләнгән кешеләрне саклап калу максатыннан старт алган иде. Кыска вакыт эчендә акциягә бөтен ил буенча дистәләгән мең кеше кушылган.

Видео: https://www.instagram.com/p/B9EjA27JiXt/

Фотолар блогерларның инстаграм битеннән алынды