Коронавирусның тагын бик куркыныч төре табылган

ЮАРда яңа коронавирус – NeoCov табылган. Якын Көнчыгышта килеп чыккан MERS бизгәгенең “туганы” бу, ди яза “Российская газета”.

Әлегә ул ярканатларга гына яный. Әмма, тикшеренү нәтиҗәләреннән күренгәнчә, кешелеккә куркыныч тудыруы өчен аның бер генә тапкыр мутацияләнүе дә җитә. NeoCov ярканатларның күзәнәгенә үтеп керү өчен ACE2 дигән рецептор куллана. COVID-19 да кешенең үпкәләренә нәкъ менә шулай үтеп керә икән.
Галимнәр фикеренчә, яңа коронавирус әлегә кеше үпкәсенә үтеп керә алмый. Әмма бер генә тапкыр мутацияләнгән очракта да ул безнең күзәнәкләрне дә зарарлый алачак.

Иң куркынычы: ЮАРның яңа коронавирусы ACE2 рецепторына COVID-19 кебек түгел, башка юл белән тоташа. Шуңа күрә, белгечләр әйтүенчә, бу коронавирустан антитәнчекләр дә, аксым молекулалары да коткарып кала алмаячак.

Хәзерге вакытта хәтәр коронавируслар АКШта, Камбоджа, Швейцариядә һәм башка илләрдә ярканатларда, кыргый хайваннарда очрый ди.

Чыганак: Ватаным Татарстан