Коронавирустан уникенче үлем очрагы теркәлгән

Татарстанда бүген коронавирусның 39 яңа очрагы расланган, барысы да элемтә юлы аша йоккан.

Шулардан 13 кеше хастаханәгә урнаштырылган, ә 26 кеше өйдә дәвалана. Узган тәүлектә барлыгы 2874 кеше сәламәтләнгән. 

Бер очрак 18 яшькә кадәр кешеләрдә табылса, 18 яшьтән 30 кадәр - 4, 30дан 50 яшькә кадәр - 14, 50дән 60 ка кадәр - 9, 60-70 яшькә кадәр - 4, ә 70 яшьтән 80 яшькә кадәр 5 очрак теркәлгән. 

Район һәм шәһәрләр буенча, иң күп очрак - Казанда (31 очрак), Яр Чаллыда - 2 очрак, Аксубайда - 3, Югары Ослан, Яшел Үзән һәм Лаешта - берешәр очрак расланган. 

Уникенче үлем очрагы 

Татарстанда коронавирустан 12 нче үлем очрагы теркәлде. 1941 елда туган Казан кешесе сугыш ветераннары госпитале базасында вакытлыча йогышлы авырулар госпиталендә 27 майдан стационар дәвалануда булган. Хәле авырайгач, пациент реанимация бүлегенә күчерелгән. 

Интенсив терапиягә карамастан, пациентның хәле тагын да начарланган. 30 майда йөрәк эшчәнлеге туктау нәтиҗәсендә үлгән. 

Үлем сәбәпләрен билгеләү өчен патолого-анатомик экспертиза үткәрелгән.