“Коронавирустан вафат булган дип яздырган өчен акча түлиләр”

Татарстанлыларның мессенджерларында тагын бер ялган хәбәр таралган.

Хәлне Татарстан президенты матбугат сәркатибе Лилия Галимова аңлатып узды.

- Әлбәттә, бу дөрес сүз түгел. Коронавирус буенча статистиканы бары тик лаборатор тикшеренүләр нигезендә генә төзиләр. Үлемнең сәбәбен дә экспертиза тикшерә. Бер генә очрак та игътибарсыз калмый.

Ялган хәбәр язучы һәм шуларны таратучыларга уйлап эш итсәләр әйбәтрәк. Чөнки моның өчен штрафлар каралган. Әле апрель азагында гына 27 яшьлек Казан кешесенә социаль челтәрдәге комментарие өчен 30 000 штраф салдылар…
 

Чыганак: e-kazan.ru