-
Әбиләр чуагы кайчан булачак? Көз башында эссе һава сөючеләрнең барысы да әбиләр чуагын көтә, ләкин ул һәрвакытта да булмый.
-
Казанда Михаил Девятаевка багышланган күргәзмә ачыла Күргәзмә белән 13 ноябрьгә кадәр танышып булачак.
-
Балалар республика клиник хастаханәсе территориясендә Медиклар аллеясы барлыкка килде Аллеяда Татарстанның күренекле балалар табибларының алты бюсты урнаштырылган.
-
Татарстанда яңа оешма – Дәүләт юридик бюросы эшли башлаячак Сентябрь аенда Татарстанда яңа оешма – Дәүләт юридик бюросы эшли башлый. Премьер-министр Алексей Песошин бу җәһәттән тиешле карарга кул куйган.
-
Дәүләт архивының яңа бинасында ниләр бар? Тиздән Дәүләт архивының әлеге бинасына экскурсияләр уздырыла башлар дип көтелә.
-
Кыямовлар кыздыра проектыбызның яңа чыгарылышы Идел-online ютуб каналында "Кыямовлар кыздыра" тапшыруының чираттагы чыгарылышы дөнья күрде.
-
Елга трамвайчигында Казансу буенча экскурсияләр эшли башлады Шәһәрнең истәлекле урыннарын яңа ракурстан күрергә теләүчеләр өчен менә дигән мөмкинлек!
-
ИДЕЛ КӨНДӘЛЕГЕ: ТӨШКЕ АШКА - ҖИЛӘККӘ Җиләге тәмле, хатирәләре – тагын да.
-
Стресслы хәлләргә ни рәвешле ресурслар тупларга
Кошман батырларына - тәкә!

Кайбыч районы Кошман мәктәбенең спорт мәйданчыгында “Кошман батырлары” кубогына милли көрәш буенча ярыш үтте. Анда Кошман, Мәлки, Кече Мәме, Иске Тәрбит, Чүти һәм Олы Подберезье мәктәпләре командалары, барлыгы 50дән артык яшь көрәшче катнашты.
Кошман авылы элек- электән үзенең батыр көрәшчеләре белән дан тоткан. Кайбыч Сабан туенда гына да җиде авылдашлары батыры булып калган аларның. Мәсәлән, Рәшит Камалов – 1961елгы батыр, Әбрар Сәлахов – 1962, Нәби Фәйзуллин – 1970, Әлфәт Фәйзуллин – 1971, Фәргать Садриев – 1975, Равил Яруллин 1980 елда җиңүче булган. Ә менә хәзерге вакытта Яшел Үзән шәһәрендә яшәүче авылдашлары Хамис Миңнуллин сигез тапкыр батыр калган.
Әлеге ярышны район балалар һәм яшүсмерләр спорт мәктәбе директоры Динар Гатауллин оештырды. Бәйгене тантаналы төстә ачуда район башкарма комитеты җитәкчесе Алексей Макаров катнашты, район башлыгы Альберт Рәхмәтуллин исеменнән барлык көрәшчеләрне сәламләде һәм уңышлар теләде.
Россия һәм Татарстан гимннары яңгыраганнан соң, бәйге башланды. Биш сәгатькә якын барган көрәштә җиңүчеләр ачыкланды. Бу авылның элеккеге батырларына лаеклы алмаш үсеп килә.
Беренче тапкыр үткәрелгән турнирда Кошман мәктәбе укучылары беренче урынны яулады һәм күчмә кубокка, медальләр, бүләкләргә һәм символик бүләк – тәкәгә лаек булдылар. Икенче урынны – Иске Тәрбит, өченче урынны Олы Подберезье мәктәпләре командалары яулады.
Шәхси һәм командалар беренчелегендә җиңүчеләргә һәм призлы урыннарны яулаучыларга бүләкләрне 1975 ел Сабан туе батыры Фәргать Садриев, Алексей Макаров һәм ярышларның баш хөкемдары Юрий Михайлов тапшырды, дип яза "Кайбыч таңнары"
Иң мөһим һәм кызыклы язмаларны Татмедиа Telegram-каналында укыгыз