Котлыйбыз, Рәмис!

Рәмис Саматов гаиләсендә зур бәйрәм бүген - дөньяга тагын бер көрәшче туды.

Казанның Идел буе районы өчен көрәшеп танылу алган Рәмис Саматов бу хакта үзенең инстаграмында хәбәр итә. Дөньяга ияңа кеше тууын искәртеп, ул "Рәхим ит бу матур дөньяга, Улым!!" дип, гаиләсендәге зур шатлыгы белән уртаклашты ул.

"Бүген төнлә РКБда тудык. 3720 гр авырлыгы. Хатыным Зарина менә шундый зур бүләк ясады үземә, Аллага шөкер! Исемен әлегә төгәлләштереп бетермәдек, иң мөһиме, исән-сау булсын", диде ул "Идел" хәбәрчесенә.

Рәмис Саматовны һәм аның тормыш иптәшен зур шатлыклары белән без дә котлыйбыз!