КОВИДНЫҢ ЯҢА АНТИРЕКОРДЛАРЫ

Россиядә соңгы тәүлек эчендә коронавирус белән зарарланган 67 809 кешене ачыкладылар - бу бөтен пандемия дәверендә яңа антирекорд. Кичә инфекцияле 65 109 кеше турында хәбәр ителгән иде. Татарстанда тәүлек эчендә яңа очраклар саны 297 дән 348 гә кадәр арткан.

Ковидтан үлү очраклары шулай ук бераз арткан - 681 кеше үлгән, аннан алдагы көнне 655 булган. Хастаханәгә эләккәннәрнең саны ике тапкырдан күбрәккә арткан - 12 837 кешегә кадәр (кичә - 5 970 кеше), дип хәбәр итә инфекция белән көрәш буенча оператив штаб.

Мәскәүдә кичә 19 509 кеше ковид йоктырган (алдагы көндә 18 935 кеше), Санкт-Петербургта - 9 722, Мәскәү өлкәсендә - 5 769. Россиядә пандемия башланганнан бирле барлыгы 11 241 109 инфекция йоктыручы исәпләнә һәм үлүчеләр исәбе - 327 448 кеше. 10 071 740 пациент терелгән.