Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Көрәш буенча Россия чемпионатында Татарстанның кайсы көрәшчеләре көч сынашачагы билгеле

    7-8 декабрьдә Казанда көрәш буенча Россия чемпионаты була. Ярышларда Россия шәһәрләре һәм төбәкләреннән килгән кырыклап командада 200 дән артык спортчы катнаша, дип яза tatar-inform.tatar порталы.

    Чемпионат 7 декабрьдә Идел буе спорт академиясенең Уку-лаборатория корпусы спорт залында башлана, финал ярышларын «Ак Барс» көрәш сараенда 8 декабрьдә карарга мөмкин була.

    Ярышларны ачу тантанасы 8 декабрь көнне 12:30 сәгатьтә «Ак Барс»көрәш сараенда узачак. Тамашачыларны яктылыклы шоу, Япония һәм Франциядә күрсәтелгән билбау көрәше көтә. Биредә театр һәм кино актеры Антон Богданов смартфоннар уйнату тамашасын алып барачак.

    Реклама

    Ярышлар 60 кг, 65 кг, 70 кг, 75 кг, 80 кг, 85 кг, 90 кг, 100 кг, 130 кг һәм 130 кг нан артык авырлык категорияләрендә узачак.

    Татарстан Республикасы данын Татарстан чемпионатында элек үз авырлык категорияләрендә җиңү яулаган 10 кешедән торган җыелма команда яклаячак. Алар арасында Искәндәр Мортазин, Динар Кәримуллин, Рамил Синякаев, Ренас Кәлимуллин, Нәфис Галиев, Илмир Төхвәтуллин, Раил Нургалиев, Муса Галләмов, Фәрхәт Фәйзуллин бар.

    2019 елгы чемпионатта яңартылган классификация кертелгәннән соң беренче тапкыр спорт мастеры исемен һәр авырлык категориясендә беренче өч урын иясе (беренче, икенче һәм өченче урыннар) — барлыгы 40 спортчы алачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ФОТОБӘЙГЕ: «ӘНИЕМНЕ КОТЛАП»
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • "Внесудебное банкротство гражданина"
    • Кышкы язылу өчен бүләк от!
    • ӘДӘБИ СУД. ИДЕЛ.
    • "Единый налоговый платеж"
    • «ИДЕЛ»НЕҢ ИҢ МАТУР ТЫШЛЫГЫ!
    • ИДЕЛ. ЯШЬЛӘР ШУРАСЫ