Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      906
      0
      5

    Көрәш тә балалардан башлана шул

    Бүген Биектауда хакимият башлыгы призларына көрәш буенча район беренчелеге узды. Биектауда яшьләр арасында көрәшне тагын да югаррак баскычка күтәрергә телиләр.

    Билгеле булганча, күптән түгел Биектауның Балалар һәм яшүсмерләр спорт мәктәбе җитәкчесе итеп танылган тренер Марсель Әсәдуллин билгеләнде. Көрәш дөньясында ул - билгеле кеше. Татарның атаклы көрәшчесе Раил Нургалиевның беренче тренеры нәкъ менә Марсель Хатипович булуы турында да күп нәрсә турында сөйли. Димәк, балалар белән, яшьләр белән эшли белә дигән сүз.

    Шулай итеп, Биектауда ныклап торып балалар белән эшләүгә тотындылар. Безнең чыганакларга караганда, район башлыгы Рөстәм Кәлимуллин үзе шушы идеяне күтәреп чыккан. Берничә ел дәвамында нәкъ менә шушы районда яшьләр арасында республика беренчелекләре уздырылып килә. Дөрес, мәйдан хуҗалары булсалар да, олылар арасындагы көрәш ярышларында алдынгылар арасында барсалар да, районның яшь көрәшчеләре артык зур уңышларга ирешә алганы юк әле. Әлеге күренешнең объектив сәбәпләре дә бар, әлбәттә. Әйтик, Рөстәм Галиулла улы үзе дә безнең белән сөйләшкән вакытта кайбер сәбәпләрне атаган иде. Беренчедән, районда, бигрәк тә Биектауның үзендә төрле спорт төрләре белән шөгыльләнү өчен мөмкинлекләр җитәрлек. Әнә, Биектау хоккейчылары хәзер "Ак Барс" яшьләрен дә еш кына җиңә, еш кына төрле ярышларның җиңүчеләре булып таныла. "Ә көрәш - авыр спорт төре, балалар, яшьләр җиңелрәк төрләрне үз итә", дигән иде бервакыт район башлыгы безгә. Шулай ук районның Казанга якын урнашуы да үз ролен уйный, дигән иде ул.

    Реклама

    Әлбәттә, Рөстәм Галиулловичны без, беренче чиратта, көрәшче һәм көрәшче җитәкче буларак беләбез. Димәк, башка спорт төрләрен никадәр генә яратса да, көрәш аның өчен беренче номерлы спорт төре ул. Шушы юнәлеш буенча үзенә ярдәмчеләр итеп тә әнә Татарстанны гына түгел, бөтен Россияне, хәтта ки дөнья көрәшчеләрен дерт иттергән Нәфис Миннебаев, Раил Нургалиев кебек батырларны алуы да юкка түгелдер. Инде менә Марсель Әсәдуллин да Биектауда.

    Бүген узган ярышларга килсәк, бәйгедә 140лап яшь көрәшче катнашкан. Район өчен өчен аз да түгел әле бу...

    Теги: көрәш
    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз