«Кырык дүртнең май аенда» фильмына кастинг узачак

Татарстанның халык язучысы Нурихан Фәттахның «Кырык дүртнең май аенда» әсәре буенча төшереләчәк нәфис фильм кастингында актерларны билгеләүдә язучының хатыны Руфина Фәттахова да катнашачак. Кастинг февраль башында үткәреләчәк.

«Кырык дүртнең май аенда» фильмы февраль ахырында Арча районында төшерелә башлый. Гомумкешелек кыйммәтләрен пропаганадалаган тулы метражлы нәфис фильмның режиссеры – Александр Далматов. Картинаның директор Тинчурин театры актеры, Татарстанның атказанган артисты Ирек Хафизов булачак.

Фильм Татарстан Мәдәният министрлыгы субсидиясе хисабына Арча якташлыгы җитәкчелегендә төшерелә. Фильмның продюсеры – К.Тинчурин театры директоры, Арча якташлыгы җәмгыяте җитәкчесе, Татарстанның атказанган мәдәният хезмәткәре Фәнис Мөсәгыйтов.

Картинаның директоры Тинчурин театры актеры, Татарстанның атказанган артисты Ирек Хафизов булачак.

Фильмга сценарийны танылган драматург Шамил Фәрхетдинов белән Александр Далматов әзерләде. Сценарий Нурихан Фәттахның хатыны, табибә Руфина Фәттахова белән килештерелеп эшләнгән. Ул фильм төшерергә үзенең рөхсәтен биргән.

«Кырык дүртнең май аенда» фильмы Нурихан Фәттахның тууна 95 ел тулуга һәм Бөек Ватан сугышында җиңүнең 78 еллыгына багышлана.