Кырымда Татарстан балалары агуланган

Җәйге лагерьгә балаңны еракка җибәрү куркынычсыз булмаска мөмкин. Шулай да күп ата-аналар балаларын лагерь җитәкчеләренә ышанып тапшыра. Җәйге балалар лагерендә Татарстаннан барлыгы 200ләп бала ял итә.

Кичә кырымдагы"Лучистый" балалар легерендә ял иткән 40 баланы ризык белән агулануы билгеле булды. Хастаханәгә лагерьдә эшләүче әйдәманнар да эләккән. Ял итүче балаларның барысы да – Казаннан.

Балаларга 16 июль иртәсендә үк үзләрен начар хис иткән. Башта 30 бала һәм 4 әйдәман хастаханәгә эләккән.  Сиптомнары агулану - температура, диарея һәм косу. Аннары төнгә таба калган балларны да хастаханәгә илткәннәр. 

Алан җитәкчесе Ренат Каюмов агуланган балаларның Казаннан булуын раслады, ләкин "ул җиңел үтте, балаларны хастаханәгә салырга туры килмәгән", дип белдерде. Шәһәр администрациясендә исә 40тан артык кешенең хастаханәгә салуын әйттеләр, дип хәбәр итә "Бизнес Online" порталы.

 Казан кирмәне вәкиле Лилия Галимова әйтүенчә, бу хәлне Татарстан президенты Рөстәм Миңнеханов үзе күзәтә.