Кыш бабайдан нәрсә сорадың?

Кырлайдагы татар Кыш бабае 23-24 ноябрь көннәрендә Казанга киләчәк. Күңелле бәйрәм булырга охшаган: бу көнне Татар Кыш бабае, Устюгтан рус Кыш бабае, Кострамадан Кар кызы, Финляндиядән Санта Клаус, Удмуртиядән Тол Бабай, Вятка Кикиморасы һ.б. халыкларның Яңа ел символлары очрашуы планлаштырыла. Алар иң элек Татарстан башкаласының Бауман урамы буйлап йөреп, кичен “Әкияти ыгы-зыгы” бәйрәмендә катнашачак.

Икенче көнне исә кунакларны Татар Кыш бабае Кырлайда кабул итәчәк. Быел музей янында Кыш бабай өчен махсус резиденция төзегәннәр. Анда хәтта Убырлы Карчык белән Аждаһага да үз өйләрен ясап куйганнар. Хәзер Кыш бабай кунакларны ел әйләнәсе кабул итә алачак, чөнки җәй көннәрендә дә аның янына кунакка килергә теләүчеләр шактый икән.

Георгафиягә килгәндә, алар Калининград, Архангельскидан алып, Якутиягә кадәр. Узган ел Татарстанда Кыш бабай янында 7 меңнән артык кеше булып киткән һәм бу сан елдан-ел 7-8 процентка артуы күзәтелә.

Кыш бабайга ел саен ике меңләп хатлар юллыйлар. Кыш бабайдан ешрак нәрсә сорыйлар дип уйлыйсыз? 
- Балалар төрле бүләкләр сорый. Күбесенә “Айфон” кирәк. Өлкәнрәкләр дә хат язгалый. Диссертация язып бирергә дә сораучылар булгалады, - ди Кыш бабай.  

Чыганак: shahrikazan.ru