"Әлиф" - соңгы тапкыр сәхнәдә!

Ә сезнең "Әлиф"  хореографик спектаклен караганыгыз бармы? Өлгермәгән булсагыз, 16 апрельдә, ике дә уйламыйча, барып кайтыгыз.

16 апрельдә "Әлиф" хореографик спектакле Камал театры сәхнәсендә соңгы тапкыр күрсәтеләчәк. Белгәнебезчә, спектакльдә ком зур роль уйный. Бу юлы да исә театрның Кече сәхнәсенә ком салу өчен махсус линолеум җәеләчәк. Ул вакытта театрның сак хезмәте спектакльне күрсәтү өчен идәнгә ком салырга рөхсәт итмәде,- дип хәбәр итә tatar-inform.tatar.

2018 елның 15 апрелендә “Әлиф” спектакле өчен аның солисты Нурбәк Батулла “Алтын битлек” театр премиясенә ия булды. Әмма оештыручылар соңгы спектакльнең 16 апрельгә туры килүен әлеге датага бәйләп карамый.

Быел "Алтын битлек" театр премиясенең номинанты -  Туфан Имаметдиновның “Әллүки” спектакле.  Ул 4 апрельдә күрсәтеләчәк. Ә 15 апрельдә “Алтын битлек” лауреатлары игълан ителәчәк.

Шулай ук укыгыз: «Әлиф» — Биләр биләмәсендә!