Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      1637
      0
      6

    Литвача борщ

    Литвадагыча борщны ясап карар алдыннан, әлеге ризыкның тәмле килеп чыгачагында шикләнгән идем. Ник дисәң, ни аш, ни салат түгел, ни ите юк, без ашарга гадәтләнгән кайнар шулпага да охшамаган... Ләкин әлеге ашны авыз итүгә, барлык шик-шөбһәләрем юкка чыкты! Чөнки әлеге борщ бик тәмле, җиңелчә, ясавы да ансат, төскә дә бик матур – алсуланып тора. Шуңа күрә хәзер суыткычта һәрвакыт пешкән чөгендер саклыйм, ашыгыч булганда, уйламаганда кунаклар килеп керсә дә, үзенчәлекле борщ әзерлим. Җәйге челләдә дә әлеге җиңелчә күпләрнең күңеленә хуш килер дип уйлыйм.
    Литвада әлеге борщны табынга чыгарганда, ипи урынына мичтә тәгәрәтеп пешергән бәрәңге куялар.
    1 пешкән чөгендерне эре угычтан уабыз, ярты кыяр, ярты йомырка турап салабыз (яртысы бизәү өчен кирәк), яшел тәмләткечләрне турыйбыз (яшел суган, укроп, руккола), тоз сибәбез. Барысын да бергә болгатабыз һәм 1,5 аш кашыгы табигый йогырт белән каймак (яки кефир), бераз кайнаган салкын су өстибез. Сыеклыгын үзегез теләгәнчә көйли аласыз. 1 сәгатькә суыткычка куеп торабыз. Җәйге челләдә ашар өчен менә дигән салкын аш!

     

    Айгөл Гатауллина

     

    Реклама
    Теги: аш-су

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милли китап һәм көйләр
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • Журналга онлайн язылу