Әлкидә билбаучылар көрәште

Әлки район үзәгенең “Алинә” универсаль спорт залында билбау көрәше буенча ир-атлар арасында ачык район беренчелеге узды.

Бәйгедә Әлки, Алексеевск, Нурлат, Чистай районнары спортчылары катнашты. Киеренке алышта Әлки көрәшчеләреннән Рәмзил Абдуллин, Раил Минһаҗев, Рәсим Әхмәров, Руслан Нуртдинов – икенче, Никита Хәйруллин, Рәмис Миндубаев, Николай Захаров өченче урыннарны яуладылар, дип хәбәр итә район газетасының сайты.