Әлмәттә “Индустрия скверы” ачыла

Шимбә көнне Әлмәт шәһәрендә (Белоглазов ур., 62) яңа җәмәгать урыны ачылачак. “Индустрия скверы” исемен йөртәчәк урынның төзелеше 2019 елда ук планга кертелгән. Ул 2 нче номерлы котельня урынында булачак.

Шәһәргә табигатьне кайтару – “Индустрия скверы”ның фәлсәфәсе шундый. Төп архитектура алымы сыйфатында исә газ торбалары кулланылган. Алар карамай чыгару сәнәгатен сурәтләүче бер символга әйләнгән. Эскәмияләр, чүп савытлары, күрсәткечләр һ.б. – һәммәсенең нигезен торбалар тәшкил итә. Сквер территориясендә бетоннан ясалган скейт-парк һәм арт-объектлар урын алган. Монда “Карамай барлыкка килү теорияләре” муралы, “Кояш факелы” медиаобъекты һәм “Нокта” исемле лазерлы инсталляция белән дә танышырга мөмкин.

Чыганак: Инде