Максим Горькийның тууына 155 ел тулуны билгеләп үтәчәкләр

28 нче мартта Татарстан башкаласында Максим Горькийның тууына 155 ел тулу уңаеннан бәйрәм программасы узачак. Казан халкы һәм кунаклары өчен язучы музее буенча экскурсияләр, китап һәм документаль фильм презентациясе, шулай ук концерт уздырылачак.

• 11:00 сәгатьтә Горький урамында бушлай җәяүле экскурсия башлана, барлык теләүчеләрне язучы музее янында көтәләр. Аннан соң А.М.Пешков (Горький) бюстына чәчәкләр салыначак.
• 13:00 сәгатьтә Горький һәм Шаляпин музеенда казан әдәбиятчыларына А.М.Горький исемендәге традицион әдәби премия тапшыру белән бәйрәм башланачак.

«Казан яшь Алексей Пешков тормышында сынау чоры була. Аның язмышында Казанда яшәгән дүрт ел булмаса, бәлки, язучы Максим Горький да булмас иде. Ул үзе әйткәнчә, «физик яктан мин Түбән Новгородта тусам, рухи яктан – Казанда. Казан – иң яраткан университетларымның берсе». Язучының рухи ватанында аның исемен хөрмәт итәләр һәм хәтерлиләр», – дип билгеләп үтте музей мөдире Марианна Гаврилова.

• 15:00 сәгатьтә музейга килүчеләр өчен экспозиция буенча бушлай экскурсия үткәреләчәк.

Шулай ук 28 нче мартта «Горький һәм Красновидово» җыентыгы презентациясе узачак. Бу – Казан галимнәре, туган якны өйрәнүчеләр һәм музей хезмәткәрләре, шулай ук Россия Фәннәр академиясенең Горький исемендәге дөньякүләм әдәбият институты белгечләре хезмәте нәтиҗәсе. Шулай ук музейда «Горький Казанда һәм Красновидовода» документаль фильмы күрсәтеләчәк.

Бәйрәм кунаклары «Андреев һәм Горький. «Тере классика» һәм «Шаляпин: хезмәт, иҗат, талант һәм…илһам» дигән музейара күргәзмә проектлары белән танышачаклар.

• 16:00 сәгатьтә И.С.Пушкин исемендәге мәдәни үзәктә «Горький һәм Шаляпин: отчет ноктасы – Казан» күргәзмә проектының презентациясе булачак, ул язучы һәм опера җырчысының юбилейларына багышланган, аларның язмышлары безнең шәһәр бәйле булган.

Бәйрәм көнен «Горький һәм музыка» зур концерт программасы тәмамлаячак, анда Татарстан сәнгать осталары башкаруында язучының яраткан композиторларының әсәрләре яңгыраячак.

А.М.Горькийның тууына 155 ел тулуга багышланган чараларның тулы программасы белән сайтта танышырга мөмкин, дип хәбәр итә ТР Милли музееның матбугат хезмәте.

Чыганак: kzn.ru