Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      2843
      0
      6

    Марафонда ничек катнашырга?

    "Татар информ" мәгълүмат агентлыгында Республиканың сәламәтлек саклау өлкәсенең әйдәп баручы белгечләре белән бергә спорт марафоннарына ничек әзерләнергә кирәклеге турында пресс-конференция үтте. 
    Әлеге чарада "Төбәк ара клиник-диагностик үзәге"нең  2 нче кардиология бүлеге мөдире – Галимҗанова Лилия Альберт кызы, Казан дәүләт медицина университетының неврология һәм реабилитация кафедрасы профессоры –Тәхавиева Фәридә Вазыйх кызы, "Республика клиник хастаханәсе"нең 1 нче номерлы функциональ диагностика бүлеге мөдире – Терегулов Юрий Эмиль улы һәм "Республика медицина профилактикасы үзәге" баш табибы Садыкова Римма Сәип кызы катнашты.
    Алар нәкъ менә – марафонга/йөгерүгә ничек әзерләнергә, тренировкалар процессын ничек төзергә, җәрәхәтләрдән үзеңне ничек саклап калырга, әзерлек вакытында нинди шәхси хаталарга игътибар итәргә икәнлеге турында сөйләделәр.
    Садыйкова Римма Сәип кызы сүзләренчә, безгә барыбызга да көн саен физкультура белән шөгыльләнергә кирәк. Авыр-авыр герләп күтәрергә, көненә 10 километр чабырга түгел, әлбәттә, үзегезнең кәефегезгә карап, нормасын белеп, күнегүләр ясарга. Шул чакта без үзебезне җиңел һәм рәхәт хис итәчәкбез.
    Терегулов Юрий Эмиль улы исә шуны искәртте: “Күп кешә авырулар организмга хәрәкәт җитмәүдән башлана, буыннар ката, сөякләр сынучанга әйләнә һәм йөгерү түгел, йөрергә дә читен булачак! Кеше көненә 10 000 адым ясарга тиеш!”  Шуны истән чыгармаска өндәде ул.
    Марафоннарга килгәндә, монда бөтенләй дә башка кагыйдәләрне күздә тотып эш итәргә кирәк. Бүген, йокыдан тордым да, марафонда чабам түгел! Әлеге чарага бик җитди карау зарур. Беренчедән, марафонда билгеләнгән араны ахырына кадәр йөгерергә синең көчең җитәрме? Эш көчтә генә дә түгел, сәламәтлегең ныкмы? Шуңа күрә, марафонга ярты ел әзерләнә башлау шарт. Шуны исегезгә төшерәсем килә, көн саен 10 километр чабу дигән сүз түгел, аз-азлап, бүген бер, иртәгә ике һәм ун-унбиш көннән инде сез үзегез дә ун километр чабып кайтканыгызны сизми калачаксыз. Шулай итеп, марафонда үтәчәк араны йөгерергә сез әзер булачаксыз. Икенчедән, катнашучылар медицина тикшеренүләр узарга тиеш. Бу мәҗбүри рәвештә һәм барлык кеше өчен дә. Синең берәр җирендә тайпылыш яисә сәламәтлегең какшаган була икән, сине марафонга кертмәячәкләр. Катнашу өчен “Сәламәт” дигән белешмә булырга тиеш һәм бу мәҗбүри. Әгәр дә шушы ике пункт үтәлсә,  сиңа марафонда катнашырга рөхсәт бирәчәкләр. 
    Шуңа күрә, дуслар, марафонда катнашасызмы, юкмы, сәламәт яшәү рәвеше алып барыгыз. Дөрес тукланыгыз, иртән күнегүләр ясагыз, күбрәк җәяү йөрергә тырышыгыз. Шушы очракта, бәлкем, иртән торып, “Марафонда катнашам!” дигән уегыз чынга да ашып куяр! 

     

    Илүзә Ибәтуллина

    Реклама

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Кышкы язылу өчен бүләк от!
    • ӘДӘБИ СУД. ИДЕЛ.
    • "Единый налоговый платеж"
    • «ИДЕЛ»НЕҢ ИҢ МАТУР ТЫШЛЫГЫ!
    • ИДЕЛ. ЯШЬЛӘР ШУРАСЫ
    • КАЛЕБ. ЯҢА ДУЛКЫН
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!
    • Милли китап һәм көйләр