Марат Әхмәтов - Балтач районының мактаулы гражданины

Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтовка Балтач районының мактаулы гражданины медален бирделәр.

Марат Әхмәтов кичә Балтач районы алдынгыларын котлады. Аңа кадәр җирле җитештерү продукциясе күргәзмәсен карап чыкты, авыл хуҗалыгы җитештерүчеләре белән очрашты, аларның уңышлары һәм киләчәккә планнары белән кызыксынды.

"Бу районда мин үземнең тормыш һәм хезмәт эшчәнлеген башладым һәм күп нәрсәгә өйрәндем. Балтачлыларга тырышлыгы, хезмәт яратулары, һәрвакыт күтәренке рухта булулары, үз сүзләрендә тора белүләре өчен рәхмәт. Нәкъ менә шул сыйфатлар район халкын башкалардан аерып тора һәм менә нәкъ менә шуның белән сез район икътисадына ныклы нигез салдыгыз», - диде Марат Әхмәтов.

Бу хакта "Татар-информ" яза.