Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    МАСШТАБЛЫ "ӘНИЛӘР МАРАФОНЫ"

    Әниләр көне уңаеннан 1 ноябрьдән «Тәртип» радиосы һәм журналист Динара Әхмәт “Әниләр марафоны” игълан иткән иде. Марафон быел өченче тапкыр үткәрелде. 21 көн дәвамында катнашучыларга Инстаграмда 21 бирем тәкъдим ителде. Катнашучылар «Мәхәббәт тарихы», «Әтиләр һәм бәбиләр», «Декрет ялы», «Балалар бакчасы», «Дини тәрбия», «Татар матбугаты», «Уйный-уйный үсәбез» һәм башка темаларга постлар урнаштырды.

    Инстаграм социаль челтәрендә татар телле әниләр өчен аралашу мәйданы булдыру, тәҗрибә уртаклашуны максат итеп куйган бу марафонда 900ләп әни һәм дәү әни катнашкан. Оештыручылар сүзләренчә, марафон алар көткәннән күпкә масштаблырак булган.

    Реклама

    «Марафонда бик күп кеше катнашты, һәм ул дәвамлы булыр дигән теләктә калабыз. Татар гаиләләре үз ара аралашсын өчен мәйдан булдырасы иде. Язмаларны башка кешеләр дә укый, үрнәк ала. Марафонда әниләрдән кала балалар, ирләр, дәү әниләр, туганнар да катнаша. Ул гаиләне берләштерә», — дип сөйләде «Тәртип» радиосының баш мөхәррире Ризәлә Исмәгыйлева.

    Марафонның Инстаграмдагы аккаунтына бер меңгә якын кеше өстәлгән. Марафонга Австралиядән, Россиянең Самара, Ульяновск, Пермь төбәкләреннән, хәтта Чукоткадан да кушылганнар. Татарстанның Биектау, Апас, Кукмара, Әлмәт районнары актив катнашкан.

    «Быелгы марафон күпләргә «Бишек җыры» биреме белән хәтердә калачак. Барлык әниләр дә бу биремгә җитди һәм шулхәтле иҗади карады. Искитмәле! Күпләр «Нигә шундый авыр бирем бирдегез инде!» дип язсалар да, иҗади осталыкларын күрсәттеләр. Быел дәү әниләрнең катнашуы да сөендерә», — ди марафон авторы, журналист Динара Әхмәт.

    Бер көнне дә калдырмыйча, «Әниләр марафоны»нда катнашкан 30 әнигә бүләкләр тапшырылды (алар саннар генераторы ярдәмендә сайланган).

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы